डाक्टर नहुदा उपचार सेवा प्रभावित

निजगढ ।
प्राथमिक स्वास्थ्य केन्द्र निजगढमा लामो समयदेखि डाक्टर नहुदा उपचारका लागि यस क्षेत्रका एक दर्जन गाबिसका लाखौ मानिस बिरामी पर्दा बिरगन्ज पुग्न बाध्य हुनु परेको छ ।
स्थापना हुदा खुसी भएका निजगढ आसपासका स्थानीयवासिन्दा अहिले केन्द्रमा डाक्टर नहुंदा आफ्नो स्वास्थ्य उपचार गराउन बाहिर धाउन थालेका छन् ।
२०५३ सालमा स्थापित सो केन्द्रमा तीन वर्षेखि डाक्टर छैनन् । २०६३ पुस डाक्टर राजदेव कुश्ावाहा सरकारी कोटामा अध्ययनको लागि अन्यत्र गएपछि यहां समस्या भएको केन्द्रमा कार्यरत अनमि सोना शर्माले बताईन् । कुश्ावाहाको दरवन्दी केन्द्रमै छ । वीच वीचमा केही समयको लागि केन्द्रमा डाक्टर आएपनि तुरन्तै माथिबाट तान्ने हुँदा उपचार सेवा प्रभावित भएको उनी बताउंछिन् ।
क्षेत्रीय अस्पताल हेटौडामा डाक्टरको लागि कैयौ पटक धायौ, विभागबाट कोटा ल्याउनु भनेर फर्काईदिन्छ, विभागमा जांदा हामी आफै पठाउंने भन्ने गरेको उनले भनिन् । अहिले सो केन्द्रमा स्वास्थ्य सहायकले काम चलाउने गरेका छन् । उपचार भरपर्दो नभएको उपचारको लागि धाई रहेकी निजगढ ५ की उर्मिला र्राई बताउंछिन् । केन्द्रमा डाक्टर सहितको १३ जनाको दरवन्दी भएपनि अहिले आठ जना मात्र छन्, डाक्टरकै अभावले रतनपुरी-१ का २५ वषिर्य रामप्रसाद कुंवरको र्सपको टोकाईले गत सोमबार मृत्यु भएको केन्द्रका ग्रामीण स्वास्थ्यकर्ता बच्चु चौधरीले बताए । डाक्टर नभएर हामी बाहिर पर्ठाईदियौ, उपचारमा ढिलाई भएकोले उनको मृत्यु भयो चौधरीले भने । जङ्गलसंगै रहेको गाउंका आसपासबाट बढ्दो गर्मीले र्सपको विगविगी बढेपछि र्सपदंशका दैनिक तीन/चार विरामी यहां आउने गरेको उनले बताए ।
केन्द्रमा निजगढ आसपासका विकट गांउ रतनपुरी, लाल, वाग्देव, भरतगंज सिङ्गौल, धियाल, टांगीयाबस्ती, डम्बरपुर लगायतका दैनिक सयौ विरामीहरु यहां आउने गरेका थिए । त्यसो त डाक्टर नभएपछि अरु कर्मचारीपनि बस्ने नगरेको र क्लिनिकमै बसेर दिन बिताउने गरेको आरोप लगाईएको छ । नजानेको र साधन स्रोत नभएपनि सबै प्रकारका चिरफार र काम गर्ने गरेका कारण धेरैले दुःख पाउने गरेको बताईएको छ ।

Posted in: news